Dərsliklərdə və dərs vəsaitlərində reklam yerləşdirmək qadağan edildi

Prezident İlham Əliyev “Təhsil haqqında” qanunda dəyişiklikləri təsdiq edib.

1news.az dövlət başçısının rəsmi saytına istinadən xəbər verir ki, yeni dəyişikliklərə görə, dərslikdə, dərs vəsaitində, tədris materialında, məktəb gündəliyində, dəftərdə, albomda, yetkinlik yaşına çatmayanlar üçün nəzərdə tutulmuş kitabda reklam yerləşdirilməsi qadağan edilib.

Bundan başqa yetkinlik yaşına çatmayanlara mənəvi və fiziki baxımdan zərərli təsir göstərə bilən reklam məktəbəqədər və ümumi təhsil müəssisələrinin ərazilərindən müvafiq icra hakimiyyəti orqanının müəyyən etdiyi məsafədən yaxın yerləşdirilə bilməz.

İdman mərc oyunlarının, lotereyaların açıq məkanda reklamı uşaq və təhsil müəssisələrindən azı 100 metr kənarda olan reklam daşıyıcılarında yerləşdirilməlidir.

1news.az