“SAM-ın şərhləri”nin növbəti sayı ingilis dilində çap edilib
Azərbaycan Respublikasının Prezidenti yanında Strateji Araşdırmalar Mərkəzinin (SAM) xüsusi nəşri olan "SAM-ın şərhləri"nin növbəti sayı ingilis dilində çap edilib.
1news.az-ın məlumatına görə, SAM-ın aparıcı elmi işçisi Sahib Cəfərovun müəllifi olduğu “Qərbi Avropada müsəlman icmaları: Böyük Britaniyanın nümunəsində” adlanan bu yeni nəşrdə Britaniyada etnik milli azlıqlara dair siyasətin formalaşmasının tarixi inkişafı, müsəlman icmalarının yerli cəmiyyətlərə inteqrasiyası, onların siyasi fəaliyyətin başlıca tendensiyaları, təhsil və işsizlik probleminin həllində ortaya çıxan çətinliklərin xüsusiyyətləri bu tədqiqat işində nəzərdən keçirilib.
Tədqiqat işinin həyata keçirilməsi məqsədi ilə Böyük Britaniyadakı yerli müsəlman icmalarının rəhbərləri, bu mövzu ilə əlaqədar olan Oksford və Kinqs Kollec kimi Universitetlərin ekspertləri ilə görüşlər keçirilmiş, onların məsələyə dair təcrübi və elmi rəyləri hesabatın hazırlanmasında əsas qaynaq kimi istifadə edilib.
1news.az
