Avtomobilin gizli saxlanc yerindən 9200 ədəd siqaret çıxdı

Rusiyadan gələn şəxsin avtomobilindən külli miqdarda siqaret aşkar edilib.

1news.az xəbər verir ki, bu barədə Dövlət Gömrük Komitəsindən məlumat veriblər.

Məlumata görə, Xaçmaz Gömrük İdarəsinin “Samur” gömrük postunun idxal-gömrük nəzarəti zonasına Rusiya istiqamətindən daxil olan, Azərbaycan vətəndaşının idarə etdiyi “Mercedes Benz E-220” markalı nəqliyyat vasitəsinə gömrük baxışı keçirilib.

Baxış zamanı, nəqliyyat vasitəsinin sağ və sol ayaqaltı hissəsində, xüsusi olaraq hazırlanmış gizli saxlanc yerində 9200 ədəd “NZ Gold Compact” markalı siqaret aşkar olunub.

Faktla bağlı araşdırma aparılır.

1news.az