Cənubi Koreyanın yük gəmisi Atlantik okeanında yoxa çıxıb

KİV-lərin məlumatına əsasən, Atlantik okeanının cənub hissəsində, Uruqvay sahilləri yaxınlığında Cənubi Koreyaya məxsus yük gəmisi ilə əlaqə kəsilib.

1news.az Azərtac-a istinadla xəbər verir ki, Marşal Adaları bayrağı altında üzən gəminin göyərtəsində 8 Cənubi Koreya və 16 Filippin dənizçisi olub.

Martın 26-da Braziliyadan açıq dənizə çıxan gəmi gecə saatlarında “SOS” siqnalı verib. Ekipaj gəminin batmağa başlaması barədə məlumat ötürüb.

Hazırda Atlantik okeanının bu zonasında axtarış-xilasetmə işləri aparılır. Axtarışlara kommersiya gəmiləri də qoşulub. Yoxa çıxmış gəminin məxsus olduğu şirkətdən ekipajın taleyi barədə məlumat alınmadığını bildiriblər.

1news.az