Nursultan Nazarbayev “Heydər Əliyev” ordeni ilə təltif edilib – YENİLƏNİB
Prezident İlham Əliyev Qazaxıstan Prezidenti Nursultan Nazarbayevin “Heydər Əliyev” ordeni ilə təltif edilməsi haqqında sərəncam imzalayıb.
1news.az-ın dövlət başçısının rəsmi saytına istinadən verdiyi xəbərə görə, sərəncama əsasən, Qazaxıstan Respublikası ilə Azərbaycan Respublikası arasında dostluq və əməkdaşlıq əlaqələrinin inkişafında xüsusi xidmətlərinə görə Qazaxıstan Respublikasının Prezidenti Nursultan Nazarbayev “Heydər Əliyev” ordeni ilə təltif edilib.
Qeyd edək ki, bu gün Qazaxıstan Respublikasının Prezidenti Nursultan Nazarbayevə “Heydər Əliyev” ordeninin təqdim edilməsi mərasimi olub.
Azərbaycan Respublikasının Prezidenti İlham Əliyev mərasimdə çıxış edib.
Prezident İlham Əliyev “Heydər Əliyev” ordenini Prezident Nursultan Nazarbayevə təqdim edib.
Sonra Qazaxıstan Prezidenti Nursultan Nazarbayev çıxış edib.
1news.az
