“Borussiya Dortmund” – “Monako” matçından öncə partlayış: yaralı futbolçu var - FOTO
Bu gün Çempiolar Liqasının ¼ final mərhələsi çərçivəsində keçirilməsi planlaşdırılan “Borussiya Dortmund” – “Monako” matçından öncə Dortmund klubunun futbolçularını daşıyan avtobusun yaxınlarında partlayış baş verib.
1news.az xarici KİV-ə istinadən xəbər verir ki, futbolçuları daşıyan avtobus oyunun keçiriləcəyi “Siqnal İduna Park” stadionu istiqamətində hərəkətdə imiş.
Partlayış zamanı klubun müdafiəçisi Mark Bartranın xəsarət aldığı və xəstəxanaya yerləşdirildiyi bildirilir. Digər futbolçularının isə yaralanmadığı açıqlanıb.
Partlayışın terror və ya başqa hadisə olduğu dəqiqləşdirilir.
Hadisədən sonra matç təxirə salınıb. Görüşün 12 apreldə keçirilməsi gözlənilir.
Fərid Ədalət
1417
