Lerikə dolu yağıb, meyvə ağaclarına və təsərrüfat sahələrinə ziyan dəyib

Lerik rayonuna güclü dolu yağıb.

1news.az “Report”a istinadən xəbər verir ki, Lerik rayonunun Orand ərazisində dolunun 2-3 sm-ə qədər ölçüdə olduğu bildirilir. Lakin qısamüddətli olduğundan dam örtüklərinə ciddi ziyan dəyməyib. 

Rayonun kəndləri ilə yanaşı, mərkəzdə də dolu nəticəsində yerdə buz qatı yaranıb. Yağan dolu meyvə ağaclarına və təsərrüfat sahələrinə ziyan vurub. Hələlik yağan dolunun rayon ərazisində hansı fəsadlar yaratdığı müəyyənləşməyib. Lakin rayonda rabitə və mobil telefon əlaqələrində ciddi fasilələr yaranıb. Güclü ildırım çaxması səbəbindən bir sıra ərazilərdə elektrik enerjisi verilişində məcburi açılmalar edilib. Bu da baş verə biləcək qəzalardan qorunmaq məqsədi daşıyır.

1news.az