İslamiada: Taekvandoçumuz qızıl medal qazandı

Bu gün IV İslam Həmrəyliyi Oyunlarında taekvando yarışlarına start verilib.

1news.az xəbər verir ki, qadınlar arasında yarışda 57 kiloqram çəki dərəcəsində mübarizə aparan Yaprak Eriş finalda türkiyəli Dürdane Altuneli 5:4 hesabı ilə məğlub edərək İslamiadada taekvandoçularımızın ilk qızıl medalını qazanıb.

Bürünc medalları isə iranlı Parsa Tayebeh və Mərakeş idmançısı Nada Laaraj əldə ediblər.

Belə ki, mübarizəyə 1/4 finaldan qoşulan idmançımız bu mərhələdə Pakistan təmsilçisi Farsin Hamdani üzərində 29:3 hesabı ilə inamlı qələbə qazanıb. Yaprak Eriş yarımfinal görüşündə iranlı Parsa Tayebehə 14:12 hesabı ilə qalib gəlib.

1news.az