Kərəm Həsənov Balakən və Zaqatala sakinləri ilə görüşəcək

Əmlak Məsələləri Dövlət Komitəsinin sədri Kərəm Həsənov mayın 26-da Balakən rayonunda vətəndaş qəbulu keçirəcək.

Komitədən 1news.az-a verilən məlumata görə, Balakən Rayon Mədəniyyət Evində keçiriləcək qəbul saat 11:00-da başlayacaq. Qəbulda Balakənlə yanaşı Zaqatala rayonundan olan vətəndaşların müraciətlərinə baxılacaq.

Komitə sədri qəbul zamanı komitənin fəaliyyət istiqaməti üzrə, o cümlədən daşınmaz əmlakın qeydiyyatı sahəsinə aid olan müraciətlər, dövlət əmlakının özəlləşdirilməsi, hərraclarda iştirak, icarə əsasında istifadə edilən dövlət obyekti və ya torpaq sahəsinin özəlləşdirilməsi, torpaqların təyinatının qanunsuz dəyişdirilməsi, təyinatına zidd istifadəsi, torpaqların texniki parametrlərinin və koordinatlarının müəyyənləşdirilməsi, ünvan məsələləri və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.

Qəbulda yuxarıda qeyd olunmuş Zaqatala və Balakən rayonlarından olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaq.

Qəbula yazılmaq istəyən vətəndaşlar online olaraq komitənin [email protected] elektron ünvanına yaza və ya aşağıdakı nömrələrlə əlaqə saxlaya bilərlər:    

Komitənin Aparatı: (012) 490 24 08 (daxili 105 və 349)

Komitənin 17 saylı ərazi şöbəsi: (2422)  5-22-52,  (2429) 5-10-56

Daşınmaz Əmlakın Dövlət Reyestri Xidmətinin 18 saylı ərazi idarəsi: (02422) 4-00-63, (02429) 5-21-73

Eyni zamanda vətəndaşlar Şəki şəh. 20 Yanvar küç. 8 və Balakən şəhəri, R.Səmədov küçəsi,3 ünvanlarına müraciət edərək qəbula yazıla bilərlər.

1news.az