Sabirabadda qaraj içərisindəki maşınla birgə yanıb

Sabirabad rayonunda qarajlardan birində güclü yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, Sabirabad rayonu, Türkədi kəndində vətəndaşa məxsus ümumi sahəsi 24 m2 olan qarajın dam örtüyünün yanar konstruksiyaları və içərisində olan “VAZ” markalı minik avtomobilinin yanar hissələri yanıb.

Yanğınsöndürənlərin müdaxiləsi nəticəsində yaxınlıqdakı tikililər yanğından mühafizə olunub.

Babək Cahandarov