London aeroportunda terror aktı hazırlamaqda şübhəli bilinən şəxs saxlanılıb
Londonun “Stansted” aeroportunda terror aktı hazırlamaqda şübhəli bilinən 37 yaşlı kişi saxlanılıb.
1news.az RİA Novosti-yə istinadla xəbər verir ki, London polisinin açıqlamasında həmin şəxsin terror aktı hazırlamaqda şübhəli bilindiyi vurğulanıb.
Şübhəli şəxs mayın 23-nə keçən gecə Türkiyəyə uçan təyyarəyə minərkən saxlanılıb. Saxlanılması onun bir müddət əvvəl Suriyaya etdiyi səfərlə bağlıdır.
Polis əməkdaşlarının hazırda Londonun şimalındakı iki ünvanda axtarışapardığı bildirilir.
Şübhəli şəxs Londonun cənubundakı polis bölməsinə aparılıb.
Xatırladaq ki, Mançesterdə konsert zamanı törədilmiş terror aktı zamanı 22 nəfər ölüb, 120 nəfər yaralanıb. İŞİD partlayışa görə məsuliyyəti öz üzərinə götürüb.
Pərvanə Sultanova
