"Azərbaycanda Aşura günü qanvermə aksiyası bir çox qonşu ölkələrdə nümunə kimi istifdə edilir”
"Artıq Azərbaycanda Aşura günü qanvermə aksiyası bir çox qonşu ölkələrdə də nümunə kimi istifdə edilir”.
1news.az APA-ya istinadla xəbər verir ki, bunu bu gün Aşura günü münasibəti ilə “Təzəpir” məscidində qanvermə aksiyasında iştirak edən Dini Qurumlarla İş üzrə Dövlət Komitəsinin sədri Mübariz Qurbanlı bildirib.
M. Qurbanlı deyib ki, əvvəllər Azərbaycana məscidlərdə Aşura günü bədənə xəsarət yetirməklə qançıxarma ənənələri olub: “Bu, arzuedilməz, yolverilməz idi. Artıq Azərbaycanda bunun əvəzinə kütləvi olaraq ehtiyacı olanlara könüllü qanvermə ənənəsi formalaşıb. Aşura günü mərasimləri Qafqaz Müsəlmanları İdarəsinin fətvasına uyğun və qanun çərçivəsində keçirilir. Əgər kiçik xətalar varsa, bu da ümumi işin pozulmasına heç bir təsir göstərmir”.
1news.az
