Qatardan qaçan məhbuslardan biri tutulub - RƏSMİ
Bu gün Penitensiar xidmət tərəfindən keçirilmiş əməliyyat-axtarış tədbirləri nəticəsində qatardan qaçan dustaqlardan biri, Əli Ağami saxlanılıb.
Bu barədə 1news.az-a Penitensiar xidmətin İctimaiyyətlə əlaqələr şöbəsindən məlumat verilib.
Məlumatda deyilir: “Xəbər verildiyi kimi, oktyabrın 23-də Bakı şəhərinə etap zamanı müşayiət altından qaçmış 2 təqsirləndirilən şəxsin axtarışı üzrə təxirəsalınmadan əməliyyat tədbirləri təşkil olunub. Oktyabrın 26-da Ədliyyə Nazirliyinin Penitensiar xidməti tərəfindən görülmüş kompleks əməliyyat-axtarış tədbirləri nəticəsində həbsdən qaçmış Əli Rasim oğlu Ağami tutularaq istintaq təcridxanasına yerləşdirilib.
Digər təqsirləndirilən şəxs E.Ə.Məmmədovun axtarışı istiqamətində zəruri tədbirlər davam etdirilir".
1news.az