CNN-in əməkdaşı “qara siyahı”ya salınıb - FOTO

CNN telekanalının şou aparıcısı, baş aşbaz Entoni Burden Azərbaycanın işğal olunmuş ərazilərinə qanunsuz səfər etdiyinə görə arzuolunmaz şəxslər siyahısına daxil edilib.

1news.az-ın məlumatına görə, bu barədə Xarici İşlər Nazirliyinin mətbuat xidmətinin rəhbəri Hikmət Hacıyev özünün “Twiter” səhifəsində yazıb.

H.Hacıyev bildirib ki, Azərbaycanın ərazi bütövlüyünü və suverenliyini, eləcə də qanunlarını pozduğu üçün E. Burdenin “qara siyahı”ya salınmasına qərar verilib. 

Xatırladaq ki, CNN-in əməkdaşı oktyabr ayında “Entoni Burden: bilinməyən yerlər” teleşousu üçün işğal altındakı Şuşaya səfər edib. O, bu barədə sosial şəbəkədəki səhifəsində xəbər verib.

Babək Cahandarov