“Qarabağ” “Atletiko”ya qarşı
Bu gün Çempionlar Liqasında II dövrəyə start veriləcək.
1news.az-ın məlumatına görə, son ölkə çempionu “Qarabağ” səfərdə “Atletiko” ilə görüşəcək.
Yeni inşa olunan “Metroplitano” stadionunda baş tutacaq qarşılaşmanın hər iki tərəf üçün böyük əhəmiyyəti var. Belə ki, üçüncü pillədə yer alan “Atletiko” qalib gəlməklə növbəti mərhələyə çıxmaq şansını qorumağa çalışacaq.
İki həftə öncə Bakıda keçirilən görüşdə gözlənilmədən xal itirən Madrid təmsilçisi qalib gəlməklə bu məğlubiyyətin təsadüfi olduğunu göstərməyə çalışacaq.
“Qarabağ” isə ən azından çətin səfər oyunundan Bakıya bir xalla dönməyi hədəfləyib. Sensasiyaya imza atıb qalib gələcəyi təqdirdə isə komandamız sonuncu pillədən qurtulmuş olacaq.
Onu da bildirək ki, Almaniyadan olan hakimlər briqadasının idarə edəcəyi “Atletiko” – “Qarabağ” oyunu Bakı vaxtı ilə saat 23:45-də başlayacaq.
Çempionlar Liqası
IV tur, C qrupu
31 oktyabr
23:45. “Atletiko” (İspaniya) – “Qarabağ” (Azərbaycan)
Baş hakim: Deniz Aytekin
Baş hakimin köməkçiləri: Qvido Kleve, Markus Hakker
Əlavə köməkçi hakimlər: Daniel Siebert, Bencamin Brand
Dördüncü hakim: Eduard Beytinqer (hamısı Almaniya)
Madrid. “Metropolitano” stadionu
|
1 |
Çelsi |
3 |
2 |
1 |
0 |
11-4 |
7 |
|
2 |
Roma |
3 |
1 |
2 |
0 |
5-4 |
5 |
|
3 |
Atletiko |
3 |
0 |
2 |
1 |
1-2 |
2 |
|
4 |
Qarabağ |
3 |
0 |
1 |
2 |
1-8 |
1 |
Babək Cahandarov
