Azərbaycanlı müğənni "beşbarmaq”la döyülüb
Azərbaycanın tanınmış müğənnisi Samir Piriyev döyülüb.
1news.az “Qafqazinfo”ya istinadla xəbər verir ki, bu barədə müğənni ilə uzun müddətdir ki, məhkəməlik olan Kamran Həsənli və onun vəkili Türkel Süleymanlı mətbuat konfransı zamanı deyib.
Bildirilir ki, Piriyev bir müddət əvvəl polisə müraciət edərək döyüldüyündən şikayətlənib. O, ərizəsində “beşbarmaq”la döyüldüyünü iddia edib.
Əldə etdiyimiz məlumata görə, hadisə bir neçə həftə əvvəl sənətçinin evinin qarşısında baş verib.
Piriyevin vəkili Ruslan Əhmədoğlu mövzu ilə bağlı açıqlama verib:
“Samir yolla gedərkən kiminləsə dalaşırsa, bunun Kamranla cinayət işinə nə aidiyyatı var?! Nəsə bilirsə, açıqlama versin. Həmin məlumatlar onda hardandır? Rəsmi müsahibə versin, Samir də məsləhət bilsə, özü bu barədə danışar”.
1news.az
