Kamil Zeynallını “Qarabağ”ın təyyarəsinə qoymadılar

İdmançı Kamil Zeynallı “Qarabağ”ın təyyarəsində söyüş söydüyünə görə gündəmə gəlmişdi.

1news.az-ın Qaynarinfo-ya istinadla verdiyi xəbərə görə, K.Zeynallı Çempionlar Liqasının qrup mərhələsində dünən qarşılaşan "Atletiko Madrid" və "Qarabağ" matçını izləmək üçün klubun nümayəndə heyəti ilə birgə İspaniyaya yola düşmüşdü.

K.Zeynallı təyyarədə olarkən Instagram vasitəsi ilə canlı yayıma qoşulmuş, "Məhəmməd Maqa" adlı Instagram istifadəçisinin ona qarşı xoşagəlməz şərhinə görə təyyarədə həmin şəxsin özünə və ailəsinə yüksək səslə söyüşlər söymüşdü.

Həmin vaxt təyyarədə heç kim Kamilin bu tərbiyəsiz hərəkətinə reaksiya verilməsə də bu gün Bakıya qayıdan "Qarabağ" klubunun təyyarəsində Kamilin də gəlməsinə icazə verilməyib. Klub rəhbərliyi ona bu hərəkətinə görə futbolçular və digər qonaqlarla birgə eyni təyyarədə uça bilməyəcəyi, Bakıya özünün qayıtmasını bildiriblər.

K.Zeynallı isə rəhbərliyin bu addımından pərt olub və klub rəhbərliyinə düzgün addım atmadıqlarını desə də nəticə dəyişməyib.

Xatırladaq ki, "Qarabağ" Madriddə "Atletiko Madrid" ilə 1-1 heç-heçə edib.

Mövzu ilə əlaqədar oxuyun:

“Qarabağ”ın təyyarəsində ana-bacı söyüşü – VİDEO

S.Xankişiyeva