MFL - PS4 Cup-ın qalibi müəyyənləşdi – FOTO – VİDEO
“Çaynataun” restoranında MFL-in FIFA 2018 - PS4 Cup üzrə ilk çempionatı baş tutdu.
1news.az-ın verdiyi xəbərə görə, turnirdə MFL oyunçuları, liqanın tərəfdaşları, eləcə də MFL-in Facebook sosial şəbəkəsindəki istifadəçiləri iştirak ediblər.
Turnirin qalibi Nahid Təməzov oldu. O, finalda Ravil Mənsimova qalib gəlib.
Həmçinin turnirdə MFL-in təsisçisi Rəhman Hacıyev, Ayaz Əhmədov, eləcə də “Zirə” və futbol üzrə Azərbaycan yığmasının futbolçusu Təmkin Xəlilzadə də iştirak edib.
Turnirin təşkilatçısı, mini futbol liqasının (MFL) təsisçisi və 1news.az İnformasiya Agentliyinin baş redaktoru Rəhman Hacıyev qeyd edib ki, bu cür turnirlər gələcəkdə də keçiriləcək:
“Bu turnirləri MFL ailəsinin üzvləri və liqamızın dostlarını əyləndirmək üçün təşkil edirik. Bu cür turnirlərin gələcəkdə də keçirilməsini planlaşdırırıq”.
Qeyd edək ki, qalib təşkilatçıdan Skybox Bakı Olimpiya Stadionunda “Qarabağ” – “Çelsi” oyunu üçün 2 bilet aldı.
İkinci yerin qalibi Ravil Mənsimov Nike-dan orjinal topla mükafatlandırılıb.
Üçüncü yeri Anad Bədəlov tutub. Ona Vapiano restoranına 50 manat dəyərində kupon təqdim edilib.
MFL – Artıq öz fəaliyyətini iki mövsüm davam etdirən Azərbaycanda həvəskarlar arasında ilk mini futbol liqasıdır. MFL – futbol həvəskarları tərəfindən FUTBOLSEVƏRLƏR ÜÇÜN yaradılmış liqadır.
GSP Logistic komandasının möhtəşəm qələbəsilə başa çatan ilk mövsüm 42 komandadan ibarət 600 oyunçunu əhatə edib. İkinci mövsümdə isə 55 komanda iştirak edib.
Tərcümə: S.Xankişiyeva
