İran Xəzəryanı dövlətlərin birgə investisiya fondunu yaratmağı təklif edir

İranın xarici işlər naziri Məhəmməd Cavad Zərif Xəzəryanı dövlətlərin birgə investisiya fondunu yaratmağı təklif edib.

1news.az AZƏRTAC-a istinadən xəbər verir ki, bu gün Moskvada keçirilən Xəzəryanı dövlətlərin xarici işlər nazirlərinin görüşündə çıxış edən M.C.Zərif nəzərə çatdırıb ki, birgə investisiya fondunun yaradılması ilə yanaşı sahilyanı ölkələrin iqtisadi əlaqələrini inkişaf etdirmək məqsədilə Xüsusi İqtisadi Zonalar da yaradılmalıdır. Nazirin sözlərinə görə Xüsusi İqtisadi Zonaların yaradılması xalqların sosial mədəni əlaqələrinin, qarşılıqlı turist səfərlərinin artmasına səbəb olacaq.

Xatırladaq ki, bu gün Moskvada 5 Xəzəryanı dövlətin xarici işlər nazirlərinin növbəti görüşü keçirilib. Görüşdə Xəzərin hüquqi statusunun müəyyənləşdirilməsi üçün hazırlanan Konvensiya müzakirə edilib.

1news.az