QLED - yeni televiziya əsri
Müasir dövrdə televizor hər bir ailənin bir üzvünə çevrilib. Belə ki, hər kəs televizorla həm nahar edir, həm film izləyərək dincəlir.
Lakin, hər kəsin ailə üzvlərini olduqları kimi qəbul edib, seçməyə imkanı olmasa da, televizor seçimində hamı azaddır. Bəs bu seçim asandırmı? Mağaza rəfləri bir-birinə bənzəyir, əksər funksiyaları ilə oxşar mallarla doludur. Lakin, əmin olun ki, meydana gələn bu xaos içində digərlərindən seçilən Samsung QLED TV mütləq hər kəsin diqqətini cəlb edəcək. O, təkcə qüsursuz formaları ilə deyil, təsvirin canlı və olduqca realistik ötürülməsi ilə fəqrlənir. İncə korpus, demək olar ki, çərçivəsiz ekran və bütöv metaldan hazırlanmış arxa panel – şah əsərin düsturu budur. One Connection qoşulması ilə dolaşıq qoşulma kabellərinin yaşatdığı narahatçılığın da aradan qaldırıldığını əlavə etsək, hər bir məkana özü ilə bəzək qatan dizayn elementi əldə edirik.
Samsung-un təqdim etdiyi yeni televizor, cəlbedici zahiri görünüşü ilə yanaşı, həm də inanılmaz təsvir keyfiyyətinə də malikdir. Belə ki, QLED TV istənilən parlaqlıq səviyyəsində, hətta, ən incə rəng çalarlarını belə ifadə edə bilir. Televizor Verband Deutscher Elektrotechniker (VDE) test aparma və sertifikasiya assosiasiyasının ekspertizasını uğurla keçib. Bu modelin rəngi 100% dəqiqliklə əks etdirdiyi təsdiqlənib. “Rəng həcmi” göstəricisinin 100%-lik göstəricisi fərqli parlaqlıq səviyyələrində rəngləri olduğu kimi “canlı” ötürmək deməkdir. Buna misal olaraq, ağac yarpağının rəngi işıq şəraitindən və parlaqlıq dərəcəsindən asılı olaraq sarımtıl-yaşıldan füruzə rənginə qədər dəyişə bilər. Adətən parlaqlığın artması ilə ekranda əks olunan rənglər pozulur. Bu gözlərin bir müddət yanar lampaya baxdıqdan sonra qısa zaman ərzində rəngləri seçə bilmədiyi effektini xatırladır. Belə ki, bu cür təhrifləri aradan qaldırmaq üçün Samsung parlaqlıq diapazonunu 1500−2000 nitə qədər artırıb, ən əsası isə kvant nöqtələri üçün yeni metal materialdan istifadə edib. Sözügedən bu nöqtələr sayəsində rəng palitrası genişlənmiş, ekranın pik parlaqlığı isə artıb. Bundan əlavə, kvant nöqtələrinin yeni quruluşu QLED ekran üzərində otaq sahəsinin işıqlandırılmasından asılı olmayaraq, işıqlı və qaranlıq səhnələrdə belə daha çox detalı izləmək imkanı yaradır. Həmçinin, hansı istiqamətdən televizoru seyr etməyinizdən asılı olmayaraq – öndən və ya yan tərəfdən baxarkən rəngin bərabər paylanması sayəsində təsvir keyfiyyəti dəyişməz olaraq qalır.
QLED TV, həmçinin, smart ailəsinin qürurlu bir üzvüdür. Televizor kontenti sıralamağı, qoşulmuş cihazlar arasında rahat keçid almağı və internetdən yüksək səviyyədə istifadə etməyi təmin edən Smart Hub interfeysi ilə təchiz olunub. Smart TV-ni həm universal idarə etmə pultu olan One Remote, həm də smartfondan Smart View əlavəsi vasitəsi ilə idarə etmək mümkündür. Pultunun “universal” adlandırılması təsadüfü deyil, onun köməyi ilə nəinki QLED TV-nin bütün funksiyalarını, hətta ona qoşulmuş hər bir cihazı idarə etmək mümkündür. Beləliklə əlavə pultlara gərək qalmır.
Əgər həqiqətən “müasir smart televizor” sözünün mənasını kəşf etmək istəyirsinizsə, onda mütləq Samsung QLED TV-nin imkanları ilə yaxından tanış olmağa tələsin.
Samsung QLED TV televizorları haqqında əlavə məlumat almaq Baku Electronics, Kontakt Home, Maxi.az, Optimal və Soliton mağazalar şəbəkəsinə müraciət edə bilərsiniz.
Reklam hüququnda
