"Buta Airways" Tehrana yubanan reyslərin yeni uçuş tarixini açıqlayıb

Tehran aeroportunda əlverişsiz hava şəraiti (güclü qar və zəif görüntü) ilə əlaqədar olaraq, "Buta Airways"in yanvarın 27 və 28-i uçmalı olan J29-005 Bakı-Tehran-Bakı reysləri yubanır.

1news.az xəbər verir ki, bu barədə "Buta Airways"in açıqlamasında deyilir.

Məlumatda bildirilir ki,  bu marşrut üzrə üç reysin birləşdiyi təyyarə yanvarın 29-da Bakı vaxtı ilə saat 23:30-da uçmağı planlaşdırır:

“Bu reysi daha çox tutumlu təyyarə yerinə yetirəcək.  Aviaşirkətin qaydalarına əsasən yubanan reyslərin sərnişinləri artıq oteldə yerləşdirilib və onların bütün lazımi ehtiyacları təmin olunub.

Yaranan narahatçılığa görə üzr istəyirik”.

P.Sultanova