Çempionlar Liqasında ilk 1/4 finalçılar müəyyənləşdi – VİDEO

Çempionlar Liqasının (ÇL) 1/8 final mərhələsi çərçivəsində cavab qarşılaşmalarına start verilib.

1news.az-ın məlumatına görə, dünən axşam azarkeşlər iki qarşılaşmaya şahidlik ediblər.

Günün ən çox maraqla gözlənilən oyunu Parisdə baş tutub. Belə ki, PSJ ilk oyunda məğlub olduğu “Real”ı doğma arenada qəbul edib.

Ulduz oyunçusu Neymarın zədə səbəbindən buraxdığı görüş yenə İspaniya təmsilçisinin qələbəsi ilə başa çatıb.

Günün digər oyununda “Liverpul” “Porto”nu qəbul edib. Səfərdə rəqib qapısından 5 cavabsız top keçirən “mersisaydlılar” formal xarakter daşıyan cavab görüşündə qolsuz bərabərliyə razılaşıblar.

Beləliklə, Çempionlar Liqasında 1/4 finala adlayan ilk komandalar “Real” və “Liverpul” olub. 

Çempionlar Liqası

1/8 final (cavab oyunları)

6 mart

PSJ (Fransa) – “Real” (İspaniya) - 1:2

Qollar: Kavani, 71 - Ronaldo, 52; Kasemiro, 80

Qırmızı vərəqə: Verratti, 66

Baş hakim: Feliks Brix (Almaniya)

Paris, “Park De Prens” stadionu

İlk oyun – 1:3

“Liverpul” (İngiltərə) – “Porto” (Portuqaliya) - 0:0

Baş hakim: Feliks Zvayer (Almaniya)

Liverpul, “Enfild Roud” stadionu

İlk oyun – 5:0

1news.az