Millimiz Makedoniyaya qarşı
Bu gün futbol üzrə milli komandamız Türkiyənin Antalya şəhərində növbəti yoldaşlıq oyununa çıxacaq.
1news.az-ın məlumatına görə, martın 23-də Bakı Olimpiya Stadionunda Belarus qarşısında minimalhesablı məğlubiyyətə üzülən komandamızın budəfəki rəqibi Makedoniya yığmasıdır.
Millinin “sükanı arxası”nda keçirdiyi ilk iki görüşdə qalibiyyət görməyən Qurban Qurbanov bu şanssızlığı qırmağa çalışacaq.
“Mardan” stadionunda saat 20:00-da başlayacaq görüş CBC Sport televiziya kanalı vasitəsilə canlı yayımlanacaq.
Türkiyəli hakimlərin idarə edəcəyi oyunda VAR (video assistant referee) sistemi tətbiq olunacaq.
Yoldaşlıq görüşü
27 mart
20:00. Azərbaycan – Makedoniya
Baş hakim: Halis Özkahya
Baş hakimin köməkçiləri: Kemal Yılmaz, Kerem Ersoy
Dördüncü hakim: Ali Palabıyık
VAR (video assistant referee): Cüneyt Çakır
AVAR (assistant video assistant referee): Hüseyin Göçek
Antalya. “Mardan” stadionu
1news.az
