Ronaldu bu səbəbdən döymə etdirmir – FOTO
Futbolçu Kriştianu Ronaldu haqda maraqlı fakt ortaya çıxıb.
1news.az-ın axşam.az-a istinadla verdiyi xəbərə görə, bir çox futbolçunun bədənində döymələrin olduğu halda, Ronalduda bunu görmək mümkün deyil.
Məlumata görə, Kriştianonun döymə etdirməməsinin səbəbi qan verə bilməyəcəyi ilə bağlıdır.
Belə ki, tez-tez qan vermə aksiyalarında iştirak edən idmançı, hətta həmkarı Karlos Martinsin oğlu üçün ilik də verib.
Bu barədə özü məlumat verən Ronaldu "Martinsin oğlunun vəziyyətini bilirdik. Bütün dostlar ona kömək etməyə hazır idi. Amma bir çoxu ilik vermənin çətin olduğunu düşünürdü. Bu da qanvermə kimi bir şeydir", - demişdi.
Qeyd edək ki, döymə etdirən insan infeksiya səbəbinə görə, ən azı 6 ay qan verə bilməz. Ümumiyyətlə, “Qızıl Xaç” komitəsi də son illər döymə edənlərin sayının artdığına görə, qan verənlərin sayının azaldığını bildirib.
S.Xankişiyeva
