McDonald’s Azərbaycan-ın dəstəklədiyi basketbol komandası çempion oldu – FOTO
Kişilər arasında keçirilən basketbol üzrə 25-ci respublika çempionatına yekun vuruldu. Aprelin 21-də baş tutan final qarşılaşmasında McDonald’s Azərbaycan-ın dəstəklədiyi NTD komandası bütün rəqiblərinə qalib gələrək çempionatın ən yüksək titulunu – respublika çempionluğunu qazandı.
Əsasən 20 yaşlılardan ibarət olan NTD komandası 2001-ci ildən respublika və beynəlxalq turnirlərdə öz gücünü sınayıb və bir sıra beynəlxalq turnirlərin qalibi olub. Komandanın baş məşqçisi Tahir Baxşıyev də vaxtilə bu komandada oyunçu kimi oynayıb və hazırda komandaya rəhbərlik edir. Tahir Baxşıyevin sözlərinə görə, komandanın uğurları və çempionluq tituluna yenidən yüksəlməsi çox qürurvericidir.
NTD komandası 17 il ərzində respublika çempionatında 11 dəfə çıxış edib və bunlardan 8 dəfə respublika çempionu olub. Qalib gələn komandanın 20 yaşlı oyunçuları ölkəmizi bu il Bolqarıstanda keçiriləcək Avropa çempionatında təmsil edəcəklər. Avropa çempionatında komandanın rəqibləri Belarus, Latviya, Belçika və Makedoniyanın komandaları olacaq.
Qeyd edək ki, McDonald’s Azərbaycan hər zaman idmana öz dəstəyini nümayiş etdirir. Müxtəlif beynəlxalq idman oyunlarının rəsmi dəstəkçisi olan şirkət, ənənəvi olaraq, müştəriləri üçün idmanla bağlı kampaniyalar, təkliflər və aksiyalar keçirir. Şirkət idmançılara göstərdiyi dəstəyə və onların qazandığı nəaliyyətlərə görə qürur hissi duyur.
“Biz Azərbaycanın bütün idmançılarına uğurlar arzu edirik və hər zaman beynəlxalq arenalarda Azərbaycanın bayrağını ucalarda dalğalanan görmək istəyirik”- deyə, şirkətdən bildiriblər.
Reklam hüququnda
