“Qarabağ” Çempionlar Liqasına qələbə ilə başladı - VİDEO
Azərbaycan klubları üçün avrokubok mövsümünə start verilib.
1news.az-ın məlumatına görə, komandalarımızdan ilk olaraq “Qarabağ” mübarizəyə qoşulub.
Çempionlar Liqasında çıxış edən təmsilçimiz I təsnifat mərhələsinin ilk oyununda səfərdə Sloveniyanın “Olimpiya” klubu ilə qarşılaşıb.
Lyublyananın “Stojitse” stadionunda baş tutan qarşılaşma təmsilçimiz üçün uğurlu alınıb. Belə ki, Vild-Donald Geryenin yeganə qolu Ağdam təmsilçisinə qələbə qazandırıb. Bununla da Qurban Qurbanovun yetirmələri cavab matçı öncəsi ciddi üstünlük əldə edib.
Qeyd edək ki, komandalar arasında cavab oyunu iyulun 18-də keçiriləcək.
Çempionlar Liqası
I təsnifat mərhələsi, ilk oyun
11 iyul
“Olimpiya” (Sloveniya) – “Qarabağ” (Azərbaycan) - 0:1
Qol: Vild-Donald Gerye, 79
Sarı vərəqələr: Marko Putinçanin, 24 - Qara Qarayev, 31; Vild-Donald Gerye, 73; Bədavi Hüseynov, 85
Qırmızı vərəqələr: Abass İssa, 85 - Qara Qarayev, 90+1
Baş hakim: Lourense Visser
Baş hakimin köməkçiləri: Karel de Roker, Co de Veyrdt
Dördüncü hakim: Bram van Drieşe (hamısı Belçika)
Hakim-inspektor: Paulius Maljinskas (Litva)
Lyublyana, “Stojitse” stadionu.
1news.az
