26 yaşlı gəlin qayınanasını baltalayıb, ərini isə ...
Qobustan rayon Poladlı kəndində qadın əvvəl həyat yoldaşını, sonra isə qayınanasını başından vurub.
1news.az-ın Publika.az-a istinadla verdiyi xəbərə görə, 26 yaşlı Siyatel İbrahimova iyulun 30-da mübahisə zəminində əlindəki dəmir qəfədanla həyat yoldaşı Ağababa Əkbərovu başından vurub. Ötən gün səhər saatlarında isə qayınanası Tahirə Əkbərova ilə mübahisə edib.
Bu zaman S.İbrahimova ət doğrayırmış və əlindəki balta ilə qaynanasının başından vurub.
Kənd sakinləri bildirir ki, qadın qonşu kənddəndir və bu vaxta qədər onların ciddi münaqişələri olmayıb. Ailənin iki azyaşlı uşağı var. Hadisədən dərhal sonra isə qadın uşaqlarından birini götürərək atasıgilə gedib.
T.Əkbərovanın vəziyyəti ağır olduğundan əvvəl rayon mərkəzi xəstəxanasına, oradan isə Bakıya gətirilib. Onun Bakıda əməliyyat edildiyi bildirilir.
Hadisə ilə bağlı polis artıq qadını saxlayıb və cinayət işi açılıb.
S.Xankişiyeva
