United Sport MFL 2018/19: İlk çempionun qayıdışı və Nəcməddin Zalıyevin 14 qolu – FOTO – VİDEO
Azərbaycanda ən böyük həvəskarlar liqası MFL-in üçüncü mövsümünə start verilib.
1news.az-ın verdiyi xəbərə görə, oktyabrın 22-də 52 komanda mötəbər titul uğrunda mübarizəyə başlayıb.
Yeni mövsümdə MFL United Sport 2018/2019-un komandaları iki konferensiyaya – Infinity və Platinum-a ayrılıb. İlk gün birinci turda “MFL Arena”nın meydanlarına Infinity konferensiyasının komandaları çıxıb. Qeyd etmək lazımdır ki, birinci turun matçlarında gərgin mübarizə müşahidə olunurdu. “Köftəçi Ramiz” komandası “Squadra” ilə qarşılaşmadan 8:1 hesabı ilə ayrılıb.
1newsTV-nin United Sport MFL 2018/19-un ilk turundan reportajı
MFL-in təşəbbüsü ilə bu mövsümü ödənişsiz çıxış edən “Poseidon” komandası ilk qələbəsini qeyd etdi. Komandanın kapitanı Ziya Mirzəcanov liqaya göstərdiyi jestə görə minnətdarlığını bildirib.
MFL United Sport 2018/2019-un favoritlərindən biri “Beerbaşa” komandasıdır. Komandanın baş məşqçisi Azərbaycanın Futzal üzrə Yığmasının qolkiperi Rövşən Hüseynlidir. 1news.az-a müsahibə zamanı o qeyd edib ki, liqada çempionluq üçün mübarizədə yoldaşlarına kömək etməyə hazırdır.
Infinity konferensiyasının birinci turunun ən yaddaqalan məqamları:
İkinci gün isə Platinum konferensiyasının matçları baş tutdu. Birinci turda bir sıra böyük qələbələrlə yadda qaldı. İlk növbədə nəzərəçarpan “AgroSport”un “İdman Nazirliyi” üzərində (27:1) qələbəsi oldu.
Platinum konferensiyasının birinci turunun ən yaddaqalan məqamları:
Birinci turdan sonra bombardilər mübarizəsində “AgroSport”un forvardı Nəcməddin Zalıyev “İdman Nazirliyi”nin qapısına 14 dəfə qol vurub.
İkinci turun matçları oktyabrın 29-da (Infinity konferensiyası).
Və noyabrın 1-də (Platinum konferensiyası) baş tutacaq.
MFL United Sport 2018/19 – Sirena Motors, Leading Supply Solutions LLC, United Sport, McDonald's Azerbaijan, Muganbank, BOS SHELF LLC və Ödəal (Bon) sponsorluğu ilə keçirilir.
Daha ətraflı məlumatı liqanın saytından mfl.az, eləcə də 1news.az-ın saytında və CBC Sport telekanalı vasitəsilə əldə edə bilərsiniz.
Tərcümə: S.Xankişiyeva
Video: Emil Nəsirov
