Aşotyan: Məhkəmələr Paşinyanın qərarları ilə hərəkət edir
Sosial şəbəkələrdə yayılmış telefon danışıqlarının audio yazısından belə başa düşdüm ki, Milli Təhlükəsizlik Xidmətinin direktoru Nikol Paşinyandan daha çox dövləti üçün narahat olur.
1news.az erməni mətbuatına istinadla xəbər verir ki, bunu Respublika Partiyasının sədr müavini Armen Aşotyan bildirib.
"Səsyazısının ikinci hissəsi Ermənistanda siyasi korrupsiyanın olmadığına, müstəqil məhkəmələrin mövcudluğuna dair hakimiyyəti spekulyasiya imkanlarından məhrum etdi”, Aşotyan deyib.
Əlavə edib ki, dərc edilmiş səsyazısı təhlükəsizlik orqanları rəhbərlərinin baş nazirin qərarlarını hakimlərə ötürməsini bəlli etdi:
"Bunlar siyasi qərarlardır. Bu siyasi qərarlar baş nazirin şəxsi maraqlarından və mövqeyindən irəli gələrək məhkəmə aktlarına çevrilir. Ermənistanda belə utancverici məhkəmələr barədə danışmaq qeyri-müəyyən səbəblərlə qadağandır. Bu səsyazısından bir nəticəyə gəldim. Hesab edirəm ki, Milli Təhlükəsizlik Xidmətinin rəhbəri daha çox dövlət düşüncəsinə malikdir və ehtimal ki, Nikol Paşinyandan daha yaxşı baş nazir ola bilər”.
P.Sultanova
