Paşinyanı Moskvada ciddi sınaq gözləyir
Ermənistanın baş naziri vəzifəsini icra edən Nikol Paşinyan Moskvaya dekabrın 27-də səfər edəcək.
1news.az xəbər verir ki, bu barədə “Joxovurd” nəşri yazıb. Səfər zamanı o, Rusiya lideri Vladimir Putinlə görüşəcək.
Qeyd edək ki, dünən Putin keçirdiyi mətbuat konfransında bu görüşün planlaşdırıldığı barədə məlumat verdi, amma tarixi açıqlamadı.
Paşinyan-Putin görüşü həm də onunla diqqəti çəkir ki, dekabrın 31-də Rusiya qazının Ermənistana tədarükü üzrə müqavilənin müddəti bitir.
Xatırladaq ki, 2016-cı il aprel ayının əvvəlində Ermənistan və Rusiya təbii qazın qiymətini min kubmetr üçün 165 dollardan 150 dollara endirilməsinə dair müqavilə imzalayıblar.
“İndi Rusiya və Ermənistan liderləri yenidən qazın qiymətini müzakirə etməlidirlər. Əslində, bu görüş Paşinyan üçün əvvəlki hakimiyyətin vaxtında qazın qiyməti ilə bağlı əldə edilmiş razılaşmanın dəyişməz saxlanılmasında bir sınaq olacaq", deyə nəşr yazıb.
P.Sultanova
