Paşinyanın yeni planı: Ter-Petrosyan prezident olacaq
Ermənistan hökumətində prezident Armen Sarkisyanın istefası yenidən aktiv müzakirə edilir.
1news.az erməni mətbuatına istinadla xəbər verir ki, baş nazir vəzifəsini icra edən Nikol Paşinyan Armen Sarkisyanla işləmək istəmir və ondan xilas omaq üçün yollar axtarır.
“Paşinyana Dağlıq Qarabağ münaqişəsinin həllində ona kömək edəcək bir insana lazımdır. Sabiq prezident Levon Ter-Petrosyan bu problemin həlli baxımından yeni hökumət üçün ən yaxşı seçimdir. Hakim elitada məhz onun namizədliyi müzakirə edilir.
Ter-Petrosyanın vəzifəyə gətirilməsindən sonra onun səlahiyyətlərinin genişləndirilməsi və xarici siyasətlə məşğul ola bilməsi üçün konstitusiyada düzəlişlər ediləcəyi planlaşdırılır.
Levon Ter-Petrosyanın komandası da bu variantı aktiv müzakirə edir”, deyə erməni mətbuatı yazır.
P.Sultanova
