Məhkəmə fevralın 7-də Koçaryanla bağlı qərarını elan edəcək
Ermənistanın ikinci prezidenti Robert Koçaryan barədə həbs qətimkan tədbirinin dəyişdirilməsinə dair müraciət üzrə məhkəmə qərarı fevralın 7-də elan olunacaq.
1news.az erməni mətbuatına istinadla xəbər verir ki, bu barədə Koçaryanın vəkili Ayk Alumyan bildirib.
Onun sözlərinə görə, Apellyasiya Məhkəməsi vəkillərin şikayətini nəzərdən keçirib:
"Tam tərkibdə məhkəmə prosesi keçirildi, bütün tərəflərə öz arqumentlərini təqdim etmək imkanı verildi. Hər şey müzakirə olundu”.
Vəkil məhkəmənin qərarının 7 fevral saat 12.00-da elan ediləcəyini deyib.
Alumyan, həmçinin bildirib ki, Ermənistanın üçüncü prezidenti Serj Sarkisyanın 1 mart işi üzrə sorğusu olunmasını bilmir:
"Ümumiyyətlə, bu, bizi maraqlandırmır. İş çərçivəsində müstəntiq bir çox ifadələr təqdim edib, lakin Serj Sarkisyanın ifadəsi yoxdur”.
P.Sultanova
