Tonoyan: Ermənistanın razılığı olmadan KTMT baş katibi təyin edilə bilməz

Ermənistanın razılığı olmadan KTMT baş katibinin təyin olunması ehtimalını istisna edirəm.

1news.az erməni mətbuatına istinadla xəbər verir ki, bunu  Ermənistanın müdafiə naziri David Tonoyan deyib.

KTMT-nin nizamnaməsinin məhdud tərkibdə qərar qəbul etməyə imkan verməsinə dair Belarusun namizədi Stanislav Zasın fikirlərinə toxunan Tonoyan deyib:

"Nizamnamə belə bir imkan vermir. KTMT baş katibinin təyin edilməsi bir növ operativ-taktiki qərar deyil. Söhbət hərbi-siyasi blokun baş katibinin təyin olunmasından gedir. Bu məsələ üzvlərdən birinin iştirakı olmadan necə həll edilə bilər? "

Tonoyan bildirib ki, Ermənistan Xarici İşlər Nazirliyi və KTMT katibliyi tərəfindən bu stiqamətdə müvafiq iş aparılır.

P.Sultanova