“Avro-2020”-nin talismanı təqdim olunub - FOTO

Martın 24-də “Avro-2020”nin rəsmi talismanı təqdim olunub.

1news.az-ın məlumatına görə, “Johan Cruijff Arena” stadionunda oynanılan Hollandiya-Almaniya oyunundan əvvəl 55 min tamaşaçıya Skillzi adlı talisman təqdim olunub. Bu ad ingilis sözü “skills”dən, yəni “bacarıq”dan yaranıb.

Yeni talisman futbol fristaylçısı keyfiyyətlərinə malikdir. Buna görə də onu meydana tanınmış fristayçılar Liv Kuk və Tobias Bex gətirib. Onlar Skillzi ilə birlikdə müxtəlif tryuklar göstəriblər.

Qeyd edək ki, “Avro-2020”-nin final mərhələsi qitənin 12 şəhərində, o cümlədən Bakıda təşkil olunacaq. 24 komandadan 4-ü UEFA Millətlər Liqasından, 20-si isə hər qrupda ilk 2-si olmaqla, seçmə mərhələdən vəsiqə qazanacaq.

1news.az