“Çiçəklənən Ermənistan"dan Paşinyana: Zöhrabyan dəyişdirilməyəcək

“Çiçəklənən Ermənistan" partiyası parlamentin insan hüquqları komissiyasının rəhbəri Naira Zohrabyanı əvəz etmək üçün alternativ axtarmağa heç bir səbəb görmür.

1news.az erməni mətbuatına istinadla xəbər verir ki, bunu "Çiçəklənən Ermənistan" fraksiyasının üzvü Qevork Petrosyan deyib.

Xatırladaq ki, baş nazir Nikol Paşinyan bəyan edib ki, "Çiçəklənən Ermənistan" Naira Zöhrabyanın insan hüquqlarının müdafiəsi üzrə komissiyasının sədri vəzifəsi üçün lazım olan minimum meyarlara cavab verməsini nəzərdən keçirməlidir.

“Bizim yanaşmamıza görə, Naira Zöhrabyan parlamentin prosedur qaydalarına uyğun olaraq öz vəzifəsini yerinə yetirib. Biz onun statusunu yenidən nəzərdən keçirməyə ehtiyac görmürük”, - deyə Petrosyan bildirib.

O bildirib ki, Zöhrabyan heç bir normativ aktı pozmayıb, buna görə də onun səlahiyyətlərinə yenidən baxmağa heç bir əsas yoxdur.

Qeyd edək ki, aprelin 5-də Ermənistan parlamentində keçirilən insan hüquqlarına dair dinləmələrdə transgender-qadın çıxış edib, bundan sonra Naira Zöhrabyan bildirib ki, dinləmələr məhkəmə-hüquqi islahatlarına, uşaqların və əlil insanların hüquqlarına aiddir və bu çıxış qaydaları pozur, bu, komissiyaya hörmətsizlikdir.

P.S.