Sudan xalqı prezidentin istefasını bayram edir
Sudan paytaxtında sakinlər ölkənin bayraqları ilə küçələrə çıxaraq prezident Ömər əl-Bəşirin istefasını bayram edirlər.
1news.az xarici mediaya istinadla xəbər verir ki, sakinlər "Biz qalib gəldik” şüarını səsləndirirlər.
Küçələrdə hərəkət çətinləşir. Sudan hərbi qüvvələri tezliklə ordu rəhbərliyi altında yeni bir hökumət orqanının yaradılacağını elan edəcəklər.
Sudan ordusu dövlət televiziya və radio şirkətinin binasına aparan yolu bağlayıblar.
Bəşirin Sudanda hakimiyyəti 30 il idi ki, davam edirdi. Sudan ordusu cümə axşamı fövqəladə bir yığıncaqda Əl-Bəşirin bütün vəzifələrdən uzaqlaşdırılması və hökumətiistefaya göndərmək barədə qərar verib.
Öz növbəsində, Sudan ordusuölkənin keçmiş müdafiə naziri və bir sıra digər məmurları saxlayıb, Xartum hava limanını bağlanıb.
P.Sultanova
09:35
Sudan hərbçiləri prezidentin və hökumətin istefaya göndərildiyini bəyan ediblər.
1news.az xəbər verir ki, bu barədə RİA-Novosti Sudan mətbuatına istinadla məlumat yayıb.
Bundan əvvəl Xartumda Sudan ordusunun Baş komandanlığının təcili iclası keçirilib. Prezident Ömər əl-Bəşir iclasda iştirak etməyib.
Sudan ordusu yaxın zamanda təcili bəyanatla çıxış edəcək.
Paytaxtın küçələrində əlavə təhlükəsizlik tədbirləri görülür. Zirehli texnikalar Prezident sarayının yaxınlığına gətirilir.
Sudanın radiostansiyaları və telekanalları hərbi marşlar yayımlayırlar.
1news.az
