Sarkisyan hazırda bufer rolunu oynayır - "Jamanak"
Üçüncü prezident Serj Sarkisyan Ermənistan hakimiyyəti ilə Dağlıq Qarabağdakı separatçı aqurum arasında münasibətlərin mümkün dərəcədə kəskinləşməsinin qarşısını almağa çalışır.
1news.az xəbər verir ki, bu barədə Ermənistanın “Jamanak” nəşri yazıb.
Qeyd olunub ki, son həftə ərzində Sarkisyan Qarabağda olub və separatçı rejimin keçmiş və hazırkı liderləri ilə düşünülməmiş addımlar atmamaqla bağlı danışıqlar aparmağa cəhd edib.
“Hazırda Sarkisyan Ermənistan və Qarabağın “hakimiyyət orqanları” arasında bufer rolunu oynayır, deyə “Jamanak” yazıb.
Xatırladaq ki, erməni mətbuatı Ermənistan hakimiyyəti ilə separatçı rejim arasında gərginliyin Qarabağdakı keçmiş və indiki separatçı rejimlərinin rəhbərləri Arkadi Qukasyanın və Bako Saakyanın ikinci prezidenti Robert Koçaryanı girov müqabilində azad etməklə bağlı məhkəməy müraciətdən sonra başlayıb. Bundan sonra Saakyan bildirib ki, bu addım məhkəmə prosesində əlavə gərginlik yaratmağı nəzərdə tutmurdu.
P.S.
