Koronavirusa yoluxmuş şəxs polisə qılıncla hücum etdi - VİDEO

İspaniyanın Milli Polisi Madriddə iki qılıncla silahlanaraq polislərə hücum etməyə çalışan şəhər sakinini saxlayıb.

1news.az-ın Oxu.az-a istinadən verdiyi xəbərə görə, bu barədə qurumun "Twitter" səhifəsində məlumat verilib.

Qurumun sosial şəbəkədə paylaşdığı videoyazıdan görünür ki, qurşağa qədər çılpaq olan kişi əlində qılıncları yelləyərək küçədə gəzir. Hadisə yerinə polis cəlb olunub. Lakin kişi hüquq-mühafizə orqanlarının əməkdaşlarını hədələməyə başlayıb və polis avtomobilinin şüşələrini sındırıb. Polis havaya atəş açmalı olub.

Məlumata əsasən, kişi COVID-19-a yoluxmuş olduğunu bildirib.

1news.az