“Dota 2” üzrə Azərbaycan millisi CAR yığmasına qalib gəlib
Ölkəmizdə kiber idmanın inkişaf etməsi istiqamətində həm Azərbaycan Kiber İdman Federasiyası, həm də “Gaming League Azerbaijan”ın birgə lahiyələri davam etdirilir.
1news.az-ın məlumatına görə, növbəti addım gənclər tərəfindən böyük maraq göstərilən oyunlardan biri, “Dota 2” istiqamətində olub.
1998-ci ildə əsası qoyulan və 2005-ci ildən ümumdünya kiber idman oyunlarına qatılan “Mind Sports South Africa” təşkilatı ilə birgə ölkələrin milli komandaları arasında göstəri matçı təşkil olunub. Cənubi Afrika Respublikasının milli komandası üzərində 2-0 hesabı ilə inamlı qələbə qazanan Dota 2 yığmamız bununla da, dünya arenasına çıxmaq üçün tam hazır olduğunu sübut edib.
Yığmamızın kapitanı Azər Ağazadənin başçılığı ilə rəqibi ard-arda 2 oyunda məğlub edən komandamız, görüşlərin daxili hesabında da üstünlüyünü göstərib, 41-17.
1news.az
