ABŞ Əfqanıstandakı hərbi kontingentini azaldacaq

ABŞ tezliklə Əfqanıstandakı hərbi kontingentini azaldacaq.

1news.az Trend-ə istinadən xəbər verir ki, bunu ölkə Prezidenti Donald Tramp müsahibəsində bildirib.

O bildirib ki, Vaşinqton Əfqanıstandakı qoşunların sayını əvvəlcə 8 minədək, daha sonra isə 4 minədək azaltmağı planlaşdırır.

D.Tramp bu prosesin dəqiq vaxtını açıqlamasa da, tezliklə baş tutacağını deyib.

Qeyd edək ki, bir müddət əvvəl ABŞ-ın Dövlət katibi Mayk Pompeo qoşunların 2021-ci ilin mayınadək Əfqanıstandan tam çıxarılmasının planlaşdırıldığını demişdi.

1news.az