Azərbaycanın aparıcı supermarketlər şəbəkələri “Johnson & Johnson” məhsullarından imtina edir
Azərbaycanın aparıcı supermarketlər şəbəkələri bir-birinin ardınca tibbi avadanlıq və sanitariya-gigiyena məhsulları istehsalçısı olan “Johnson & Johnson” şirkətlər qrupunun məhsullarını satmaqdan imtina edirlər.
Buna səbəb, “Johnson & Johnson” şirkətinin paylaşımında separatçı qurumun adını çəkməklə Azərbaycanın ərazi bütövlüyünə hörmətsiz yanaşması olub.
Qeyd edək ki, “Johnson & Johnson” şirkəti rəsmi Twitter hesabından dünya ictimaiyyəti və beynəlxalq təşkilatlar tərəfindən tanınmayan qondarma Dağlıq Qarabağ qurumunun təbliğini həyata keçirən paylaşım edib.
Tvit sosial şəbəkədəki azərbaycanlı istifadəçilərin haqlı qəzəbinə səbəb oldu və cəmiyyətdə ən çox müzakirə olunan mövzulardan birinə çevrildi.
1news.az mənbələrdən əldə etdiyi məlumata görə, artıq Bravo, Bolmart, Rahat və Grandmart daxil olmaqla bir çox Azərbaycan supermarketlər şəbəkələri “Johnson & Johnson” məhsullarının satışıdan imtina edib.
S.Xankişiyeva