Trampın impiçmenti barədə qətnamə Senata təqdim edilib
ABŞ-da Demokratlar keçmiş prezident Donald Trampın impiçmenti qətnaməsini Senata təqdim ediblər.
1news.az “RİA Novosti”yə istinadən xəbər verir ki, Nümayəndələr Palatasından olan ittihamçılar imzalanmış qətnaməni Kapitolinin bir qanadından digərinə - Senatın iclasının olduğu yerə apardığını yerli telekanallar da nümayiş etdirib.
Qətnamə “qiyama təhrik” maddəsinə əsaslanır. Prosesin özü fevralın 8-də başlayacaq.
Proses məhkəmə formatında keçirilir və onun qərarı hökm adlandırılır. Burada tərəflər şahidləri çağıraraq sənədləri təqdim edə bilirlər. Demokratların uğur qazanması üçün senatorların səslərinin üçdə ikisini qazanmaq vacibdir.
Qeyd edək ki, ABŞ Nümayəndələr Palatası yanvarın 13-də “iğtişaşlara təhrik etmə” ittihamı ilə D.Trampın impiçmentinə səs verib. Səsvermədə 232 senator impiçmentin lehinə, 197-si isə əleyhinə çıxıb.
Senatı qazanmaq üçün Demokratların 17 Respublikaçını öz tərəflərinə çəkməlidir, ancaq bu günə qədər onlardan yalnız 6-sı öz dəstəyini nümayiş etdirib. İmpiç olunacağı halda, Tramp gələcəkdə dövlət qurumlarında vəzifəyə təyin olunmaqdan məhrum edilə bilər. Bu isə onun gələcək prezident seçkilərində iştirakını da əngəlləmiş olacaq.
1news.az
