Cəmiyyət

"Buta Airways" aşağıbüdcəli aviaşirkəti Kiyevə uçuşları bərpa edəcək

21:31 - 06 / 03 / 2021
"Buta Airways" aşağıbüdcəli aviaşirkəti Kiyevə uçuşları bərpa edəcək

"Buta Airways" aşağıbüdcəli aviaşirkəti Bakıdan Ukraynanın paytaxtı Kiyev şəhərinə aviaəlaqəni bərpa edir. Bakı-Kiyev-Bakı marşrutu üzrə xüsusi reyslərin icrası 1 aprel tarixindən nəzərdə tutulur.

Uçuşlar Kiyevin "Borispol" (IATA: KBP) hava limanına həyata keçiriləcək. Reyslər həftədə iki dəfə – bazar ertəsi və cümə axşamı günləri yerinə yetiriləcək.

Beləliklə, aprel ayından etibarən Azərbaycanın Milli Aviadaşıyıcısı qeyd olunan istiqamətdə uçuşları yalnız "Buta Airways" aşağıbüdcəli brendi vasitəsilə həyata keçirəcəkdir.

Ölkədəki epidemioloji vəziyyətlə əlaqədar tətbiq olunan məhdudiyyətləri və qaydaları nəzərə alaraq aviaşirkət biletləri yalnız iki tarif üzrə təklif edir - "Standart" və "Super".

Belə ki, "Standart" tarifinə (55 avrodan başlayaraq) çəkisi 10 kq-dan artıq olmayan və ölçüləri üç ölçünün cəmi üzrə 158 sm-dən böyük olmayan qeydiyyatdan keçən baqajın daşınması daxildir. "Super" tarifinə (75 avrodan başlayaraq) çəkisi 23 kq-dan artıq olmayan və ölçüləri üç ölçünün cəmi üzrə 158 sm-dən böyük olmayan qeydiyyatdan keçən baqajın, habelə çəkisi 10 kq-dan çox olmayan və ölçüləri üç ölçünün cəmi üzrə 118 sm-dən çox olmayan əlavə baqajın daşınması daxildir.

Hər iki tarifə ödənişsiz olaraq yer seçimi və hava limanında qeydiyyat opsiyaları daxildir.

Əl yükü qismində təyyarə salonuna yalnız qadın çantası, kişi portfeli, portativ kompyuter çantası (təyinatı üzrə istifadə edilməsi şərtilə) və uşaq qidası götürülə bilər. Digər növ əl yükünün, o cümlədən Duty Free mağazalarından alınan əşyaların salona götürülməsi qadağandır.

Bakı-Kiyev-Bakı marşrutu üzrə reysə biletləri (“Super” və “Standart” tarifləri üzrə) "Buta Airways" aviaşirkətinin rəsmi saytında, həmçinin aviaşirkətin akkreditə olunmuş agentliklərindən (yalnız "Super" tarifi üzrə) əldə edə bilərsiniz.

Pandemiya dövründə qeyd edilən reyslərə həm gediş, həm gəliş zamanı Heydər Əliyev Beynəlxalq Aeroportunun 1-ci Terminalında xidmət göstəriləcəkdir.

Reyslərə mövcud epidemioloji məhdudiyyətlər şəraitində uçuş icazəsi olan sərnişinlər kateqoriyası qəbul olunacaq.

Bakı-Kiyev istiqaməti üzrə reysin sərnişinləri:

- Ukrayna ərazisinə giriş hüququna malik olmalıdılar. Pandemiya dövründə Ukraynaya giriş qaydaları ilə aviaşirkətin saytında aşağıdakı keçid vasitəsilə tanış ola bilərsiniz: https://www.butaairways.az/az/covid/ukraine

- koronavirus infeksiyasının olmaması barədə tibbi arayış almalıdırlar. Azərbaycanda koronavirus infeksiyasına dair testdən keçə biləcəyiniz klinikaların siyahısı aviaşirkətin saytında dərc edilmişdir: https://www.butaairways.az/az/covid/clinics.

Kiyev-Bakı istiqaməti üzrə reysin sərnişinləri:

- Azərbaycan ərazisinə giriş hüququnun olub-olmadığını yoxlamalıdırlar. Azərbaycan ərazisinə giriş icazəsi olan şəxslərin siyahısı ilə aşağıdakı keçiddən istifadə etməklə tanış ola bilərsiniz: https://www.butaairways.az/az/covid/azerbaijan.

- koronavirus infeksiyasının olmaması barədə arayış almalıdırlar. Testin nəticəsində QR-kodun olması tövsiyə olunur, həmin kodun həqiqiliyi qeydiyyat masalarında yoxlanılacaq

Kiyevdə koronavirus infeksiyasına (COVID-19) dair testdən keçə biləcəyiniz klinikaların siyahısı ilə aşağıda qeyd olunan səhifədə tanış ola bilərsiniz: https://www.butaairways.az/az/covid/azerbaijan.

Tərəfdaş klinikalar şəbəkəsi genişləndikcə siyahı daha da artacaqdır.

Azərbaycan Respublikasının Nazirlər Kabineti yanında Operativ Qərargahın qərarına əsasən, Bakıya aviareyslərlə gələn bütün sərnişinlər iki həftə ərzində özünütəcrid şəraitində qalmalıdırlar.

Hər iki istiqamət üzrə reyslərin sərnişinləri COVID-19 testinin nəticəsinin uçuşdan əvvəl 48 saat ərzində etibarlı olduğundan əmin olmalıdırlar.

Koronavirus infeksiyasının yayılmasının qarşısını almaq məqsədilə və ölkədəki epidemioloji vəziyyətlə əlaqədar olaraq sərnişinləri qarşılayan və yola salan vətəndaşlar terminal binasına buraxılmayacaq.

Paylaş:
75

Son xəbərlər

“Pandemiya və qanunsuz toylar” - “Çıxışa doğru”da MÜZAKİRƏBu gün, 19:51“Hərbi Qənimətlər Parkı özündə işğalçı Ermənistan ordusunun sonunu ifadə edən bir tarix yaşadacaq” - Sevinc FətəliyevaBu gün, 18:03Naqif Həmzəyev: “Dünyanın bir çox çox ölkələrində müzeylərdə əsgərlərin geyimləri sərgilənir”Bu gün, 18:00PSJ “Bavariya”ya, “Çelsi” “Portu”ya qarşıBu gün, 17:51Elçin Əmirbəyov: Prezident Ermənistanın apardığı dezinformasiya kampaniyasına tutarlı cavab verdi – VİDEOBu gün, 17:46Hərbi Qənimətlər Parkı – şanlı qələbəmizin rəmzi – TƏHLİLBu gün, 17:40Cəbrayılın Sədi kəndi – VİDEOBu gün, 17:32İlham Əliyev: Azərbaycan-İtaliya əməkdaşlığı münaqişə zamanı və münaqişədən sonra sınaqdan çıxıbBu gün, 17:30“Nar” “Yeniliklər Dalğası” kampaniyasına start verirBu gün, 17:10Azərbaycanda 13 aprelə olan COVID-19 statistikası açıqlandıBu gün, 16:38Vüqar Rəhimzadə: İkinci Qarabağ müharibəsinə yanaşma çağdaş dünyanın real mənzərəsini bir daha ortaya qoyurBu gün, 16:17“YAŞAT” Fondu daha iki şəhid övladının zəruri xərclərini qarşılayıb - FOTOBu gün, 16:15Prezident: Ermənilər bizi yaxşı tanımayıblar, elə bilirdilər ki, bizimlə 1992-ci ildəki döyüşü aparacaqlarBu gün, 16:12Nəsimi rayonu ərazisində iki şəxsdən heroin, ov tüfəngi və dörd ədəd patron götürülübBu gün, 16:04Dünyanın aparıcı beyin mərkəzlərinin nümayəndələri Hərbi Qənimətlər Parkına gəlib - FOTOBu gün, 15:52Daha 6 məktəb koronavirusa görə bağlandıBu gün, 15:46Dünyanın ən məşhur kənd təsərrüfatı texnikası istehsalçılarından biri “Massey Ferguson” – FOTO – VİDEOBu gün, 15:40Azərbaycan Beynəlxalq Bankının əməkdaşları beynəlxalq turnirin qalibi olduBu gün, 15:30Göyçayda kafedə toy edənlər aşkarlandıBu gün, 15:26Prezident İlham Əliyev futbol üzrə Avropa çempionatının Bakıda keçiriləcək oyunları ilə bağlı sərəncam imzalayıbBu gün, 15:01
Bütün xəbərlər

Next TV