“Zirə” - “Keşlə” oyunundan sonra hakim döyülüb | 1news.az | Xəbərlər
Futbol

“Zirə” - “Keşlə” oyunundan sonra hakim döyülüb

12:58 - 30 / 04 / 2021
“Zirə” - “Keşlə” oyunundan sonra hakim döyülüb

Azərbaycan kubokunun yarımfinal mərhələsinin “Zirə” ilə “Keşlə” arasında keçirilən cavab oyunundan sonra xoşagəlməz hadisə baş verib.

1news.az xəbər verir ki, Apasport.az saytının əldə etdiyi məlumata görə, matçın yan xətt hakimi Pərvin Talıbov qarşılaşmadan sonra koridorda bir neçə nəfər tərəfindən hücuma məruz qalaraq döyülüb.

Məlumatı dəqiqləşdirmək üçün Talıbovun özü ilə əlaqə saxladıq. Hadisənin baş verdiyini təsdiqləyən laysman ona hücum çəkənləri tanımadığını söyləyib: “Hər oyundan sonra tuneldə futbolçulara nəzarət etmək hakimin görəcəyi işdir. Mən də orada durmuşdum ki, oyunçular arasında hər hansı bir xoşagəlməz hadisə yaşansa, baş hakimi məlumatlandırım. Öz yerimi tutub stadiona baxırdım. Elə o anda arxadan 4-5 nəfər üstümə cumub təpik vurmağa başladılar, nalayiq söyüşlər işlətdilər. Mən də yalnız özümü müdafiə etməyə çalışdım. Amma onlar nə futbolçu, nə də məşqçilər idi. Tanımadığım şəxslər idi. Bilmirəm, bəlkə də, “Zirə”nin azarkeşləri olub. Sağ olsun, “Zirə”nin baş məşqçisi Rəşad Sadıqov, hadisəni görən kimi, qaçaraq bizə tərəf yaxınlaşdı, onların üstünə qışqırdı ki, siz kimsiz bura girmisiz, nə edirsiz?”

Pərvin Talıbov hadisə nəticəsində ciddi xəsarət almadığını deyib və şikayət etməyəcəyini vurğulayıb: “Təkcə əlim qapının arasında qaldı. O da ciddi problem deyil, heç bir xəsarət almamışam. Heç bir şikayətim, narahatlığım yoxdur. Oyunda belə şeylər baş verə bilər. Nə komandalardan, nə rəhbərliklərindən şikayətim var. Sadəcə, nəzərə alsınlar ki, biz də gördüyümüz şeylərə qərar veririk”.

Qarşılaşmanın 90-cı dəqiqəsində baş hakim Elçin Məsiyev gözlənilmədən “Zirə”nin qapısına penaltini məhz Talıbovun məsləhətindən sonra verib. O, meydan sahiblərinin futbolçusu Lazar Corceviçin belə hərəkət edəcəyini öncədən hiss etdiyini söyləyib: “Hansısa klubun haqqına girməyi istəmərəm. Bu, bizə yaraşacaq hərəkət deyil. Çünki futbolçular da meydanda əziyyət çəkirlər. O ki qaldı həmin epizoda, bu hal son dəqiqələrdə 2-3 dəfə təkrarlandı. “Zirə”nin 44 (Dmitrios Çantakias) və 12 (Lazar Corceviç) nömrəli futbolçuları “Keşlə”nin həmin hücumçusuna qarşı aqressiv rəftar edirdilər. Sadəcə, həmin epizodları açıq görə bilmirdim. Onlarla danışaraq sakitləşdirməyə çalışırdım. Deyirdim ki, sakit olun, problem yaratmayın, bu aqressivliyiniz penaltiyə səbəb ola bilər. Hətta baş hakimə də məlumat verdim ki, bu iki futbolçuya şifahi xəbərdarlıq eləsin. Artıq onların nəsə edəcəyini hiss edirdim, bu üzdən həmin futbolçulara fokuslanmışdım. Müdafiəçi də rəqibin oyunçusunu yumruqla vurduğu üçün dərhal baş hakimə məlumat verdim”.

Qeyd edək ki, ilk oyunda öz meydanında (1:2) məğlub olmasına baxmayaraq, cavab görüşündə 3:2 hesablı qələbə qazanan “Keşlə” səfərdə daha çox qol vurduğu üçün finala yüksəlib. Sənan Qurbanovun komandası mayın 24-də həlledici görüşdə “Sumqayıt”la qarşılaşacaq.

1news.az

Paylaş:
172

Son xəbərlər

Bakıda restoranda güclü partlayış: xəsarət alanlar var14 / 05 / 2021, 18:01Mingəçevirdə dörd küçənin kanalizasiya xətti yoxdur - VİDEO14 / 05 / 2021, 17:56Səhv ittihama görə 43 il həbsxanada cəza çəkdi - FOTO14 / 05 / 2021, 17:49Sabahın hava proqnozu açıqlanıb14 / 05 / 2021, 17:34Makron öz sözləri ilə ATƏT Minsk qrupunun tabutuna son mismarı vurdu - Rusiyalı tarixçi14 / 05 / 2021, 17:18Azərbaycanda bu laborator analizlər pulsuzdur - SİYAHI14 / 05 / 2021, 17:00Ceyhun Bayramovla Filip Riker arasında telefon danışığı olub14 / 05 / 2021, 16:52Azərbaycanda son sutkada COVID-19-a yoluxanların sayı açıqlandı14 / 05 / 2021, 16:45Prokurorluq Yasamaldakı intiharla bağlı məlumat yayıb14 / 05 / 2021, 16:40Vətən müharibəsində böyük şücaət göstərən qəhrəman şəhidimiz Elməddin Namazov - VİDEO14 / 05 / 2021, 16:29Əfqanıstanın dövlət başçısı Prezident İlham Əliyevə telefonla zəng edib14 / 05 / 2021, 16:02“Qarabağ” “Keşlə”yə, “Neftçi” “Sumqayıt”a qarşı14 / 05 / 2021, 15:56Azad olunmuş ərazilərdə indiyədək 20 modul və konteyner tipli hərbi hissə istifadəyə verilib14 / 05 / 2021, 15:21Azərbaycanda tələbə üç gündür yoxa çıxıb14 / 05 / 2021, 15:05Azərbaycanda yeni kibertəhlükəsizlik strategiyası hazırlanıb14 / 05 / 2021, 14:32Bu ananı və övladını görsəniz polisə xəbər edin - FOTO14 / 05 / 2021, 13:47Paşinyan Putinə zəng edib14 / 05 / 2021, 13:10Azərbaycanın daha 30 müəssisəsinə Rusiyaya pomidor ixracına icazə verilib14 / 05 / 2021, 12:43Dünya birjalarında neftin bu günə olan qiyməti14 / 05 / 2021, 12:36Bakıda avtomobil vuran şəxsin ayağı amputasiya edildi14 / 05 / 2021, 12:03
Bütün xəbərlər

Next TV