Deputat Prezidentin BBC-yə verdiyi müsahibədən danışdı: “Bu, bizim hər birimiz üçün mükəmməl bir örnəkdir” - VİDEO

Prezident İlham Əliyevin Vətən müharibəsi zamanı BBC-yə verdiyi müsahibə "Twitter"də 3 milyon baxış sayını keçib.

Bu müsahibə dövlət başçısının 44 günlük Vətən müharibəsi zamanı verdiyi müsahibələrdən biri idi. İllərlə Azərbaycanın haqq səsini dünyaya çatdırmaq üçün işlər görülsə də heç bir məqalə, müsahibə bu qədər geniş auditoriaya çatmamışdı. Bəs görəsən dövlət başçısının müsahibəsi dünyanın qabaqcıl media qurumlarında olan BBC-yə verdiyi müsahibənin belə geniş auditoriyaya çatması nə ilə ələqəlidir?

Məsələ ilə bağlı 1news.az-a danışan Milli Məclisin deputatı Ramil Həsən bildirib ki, həm İkinci Qarabağ müharibəsindən öncə, həm də ümumlilkdə Qarabağ müharibəsi çərçivəsində və müharibədən sonra ölkə rəhbərliyimizin unikal bir şəkildə həyata keçirdiyi media istiqamətindəki hücum siyasəti çox effektiv oldu:

“Bu , Azərbaycanın xarici siyasətinin, beynəlxalq hüquq və norma prinsipləri çərçivəsində haqq və hüquqlarının dünya ictimaiyyətinə çatdırılmasında istisnasız mükəmməl bir rol oynadı. Elə bir örnək olaraq yerinə oturdu ki, bu, Azərbaycan həqiqətlərini güclü, sürətli və inandırıcı şəkildə dünya mediasına çatdırılması istiqamətində bir güc qaynağı oldu. Prezidentin həm BBC-yə verdiyi müsahibənin izləyicilərinin say tərkibi, sosial şəbəkələrdə nəinki BBC-nin, bir çox beynəlxalq media quruluşlarına vermiş olduğu müsahibələrdə fikirlərin əminliyi və qətiyyəti göz önündə idi.

Dünyanın müxtəlif media qurumlarının jurnalistlərinin nə qədər dolandırıcı, ikili standartlardan çıxış edərək qərəzli yanaşmasının şahidi olduq. Ölkə rəhbərimizin mükəmməl cavab vermək qabiliyyəti, təcrübəsi, həm mükəmməl diplomat, həm dövlət başçısı, həm də sərkərdə kimi vermiş olduğu bütün cavablar dövlətimizin milli maraqlarının qorunmasında və beynəlxalq müdia platformasında təbliğində və müdafiə olunmasında misilsiz rol oynayıb. Şübhəsiz ki, bu bizim hər birimiz üçün mükəmməl bir örnəkdir”.

The BBC hadn’t prepared for this moment and it was beautiful. pic.twitter.com/TY859XCSzV — Pelegeesi (@UgRwah) May 5, 2021

“2020-ci ildə cənab Prezident İlham Əliyev Milli Məclisinin 6-cı çağırışının açılış sesiyasında çıxında dedi ki, Azərbaycan hücum diplomatiyasına üstünlük verməlidir” – deyə deputat fikirlərinə əlavə edib:

“Azərbaycan Prezidenti məhz özü hücum diplomatiyasının təməlini qoymaqla yanaşı, həm də media sahəsində hücum taktikasının əsasını qoydu. Bu taktika haqlı olduğumuzun əminliyini ortaya qoyan və mükəmməl ifadə edən bir ideyadır və bu ideyanın da təməl daşı cənab Prezidetimizə aiddir. Ona görə də bu proses bu gün uğurla davam etməkdədir. Dünya ictimaiyyətində bizə qarşı qərəzli və ikili mövqe sərgiləyən insanların hamısının cavabını cənab Prezident verib. Son dövrdə də ölkə rəhbərliyimiz tərəfindən periodik şəkildə beynəlxalq media qurumları Azərbaycana dəvət olunur və Azərbaycanda bilavasitə cənab Prezidentin dilindən onun ölkə rəhbərimiz olaraq mövqeyini eşitmək şansı əldə edirlər.

Ölkə rəhbərimizin 26 fevral 2021-ci ildə dünyanın bir çox yerindən olan jurnalistlərə mətbuat konfransı verməsi bütün əngəlləri, protokolları, qaydaları bir kənara qoyaraq hərkəsə birbaşa sual vermək imkanı yaratdı. Bu özünə inamın, dövlətinə, xalqına bağlılığın, inanılmaz bir liderliyin və qabiliyyətin göstəricisidir. Dövlət başçımız bununla bir mesaj verdi ki, bizim heç kimdən qorxumuz, çəkinəcəyimiz və gizlədəcəyimiz heç bir nüans yoxdur, buyurun istədiyiniz sualı verin, biz də sizə istədiyiniz cavabı əminliklə, qətiyyətlə verə bilərik. Prezidentimiz bu sahənin təməlini qoydu”.