Azərbaycanla Türkiyənin aparıcı şirkəti arasında Anlaşma Memorandumu imzalanıb - FOTO

“Türkiyənin aparıcı şirkətlərindən olan “Zorlu” Holdinqlə Anlaşma memorandumu imzaladıq”.

1news.az xəbər verir ki, bu barədə Azərbaycanın İqtisadiyyat naziri Mikayıl Cabbarovun sosial şəbəkə hesabında yazılıb.

“Yeni əməkdaşlıq platforması Azərbaycan iqtisadiyyatının bir sıra sahələrinə, o cümlədən tekstil sənayesinə sərmayə qoyuluşuna, qardaş ölkə ilə iqtisadi əlaqələrimizin daha da möhkəmlənməsinə töhfə verəcək. Həyata keçiriləcək layihələr müasir texnologiyaların tətbiqinin genişlənməsinə, yeni iş yerlərinin açılmasına əlavə imkanlar yaradacaq” – deyə, nazir əlavə edib.