İƏT faktaraşdırıcı missiyasının Qarabağla bağlı hesabatı qəbul edilib – FOTO | 1news.az | Xəbərlər
Siyasət

İƏT faktaraşdırıcı missiyasının Qarabağla bağlı hesabatı qəbul edilib – FOTO

S.Xankişiyeva10:53 - 25 / 11 / 2021
İƏT faktaraşdırıcı missiyasının Qarabağla bağlı hesabatı qəbul edilib – FOTO

Ombudsman Aparatının rəhbəri, İslam Əməkdaşlıq Təşkilatı Müstəqil Daimi İnsan Hüquqları Komissiyasının (İƏT MDİHK-nın) üzvü Aydın Səfixanlı həmin Komissiyanın Səudiyyə Ərəbistanının Ciddə şəhərində keçirilən 18-ci sessiyasında iştirak edib.

Ombudsman Aparatından 1news.az-a verilən məlumata görə, sessiya çərçivəsində İƏT ölkələri daxilində BMT-nin Davamlı İnkişaf Məqsədlərinin implementasiyası sahəsində mövcud vəziyyət, insan hüquqlarının müdafiəsi sahəsində müsbət təcrübələr və Komissiyanın mandatı çərçivəsində həyata keçirilmiş faktaraşdırıcı missiyaların nəticəsi ilə bağlı hazırlanmış hesabatlarla əlaqədar müzakirə aparılıb.

Azərbaycanın İnsan Hüquqları üzrə Müvəkkili (Ombudsman) Səbinə Əliyevanın dəvəti əsasında İƏT MDİHK sədrinin rəhbərlik etdiyi nümayəndə heyəti 22-26 sentyabr 2021-ci il tarixlərində işğaldan azad edilmiş torpaqlarımızda, eyni zamanda, müharibə bölgəsindən uzaqda yerləşən ərazilərdə mülki əhali və infrastrukturu hədəfə alan raket hücumları nəticəsində dağıdılmış yerlərdə faktaraşdırıcı missiya həyata keçirmək məqsədilə Azərbaycanda rəsmi səfərdə olub və səfərin nəticəsi olaraq xüsusi hesabat hazırlanıb.

Sözügedən hesabat İƏT MDİHK-nın Ciddədə keçirilən 18-ci sessiyası çərçivəsində müzakirə olunub. Hesabatda Azərbaycanın işğaldan azad olunmuş və hücuma məruz qalmış digər ərazilərində törədilən müharibə cinayətləri, insan hüquq və azadlıqlarının kobud şəkildə pozulması, milli-mədəni, memarlıq, tarixi və dini abidələrin, o cümlədən məscidlərin məhv edilməsi, talan və təhqir olunması ilə bağlı çoxsaylı faktlar beynəlxalq insan hüquqları və beynəlxalq humanitar hüquq normalarının pozuntusu kimi qiymətləndirilib.

İƏT MDİHK-nın hazırladığı hesabatın yekununda Ermənistanın hərbi-siyasi rəhbərliyinin törətmiş olduğu insan hüquq pozuntularının araşdırılması və müvafiq hüquqi qiymətin verilməsi məqsədilə BMT, ATƏT və digər regional təşkilatlar tərəfindən beynəlxalq insan hüquqları monitorinq mərkəzinin yaradılması, Beynəlxalq Qırmızı Xaç Komitəsinin egidası altında Birinci Qarabağ müharibəsi dövründən bu günə kimi itkin düşmüş azərbaycanlıların tapılması, onların ailə üzvlərinə psixoloji yardımın göstərilməsi məqsədilə çoxtərəfli koordinasiya mexanizminin yaradılması, İƏT, Dünya Bankı və İslam İnkişaf Bankı tərəfindən azərbaycanlı məcburi köçkünlərin öz doğma yurdlarına qayıdışını dəstəkləyən layihələrin maliyyələşdirilməsi kimi tövsiyələr də verilib.

Hesabat Komissiya üzvləri tərəfindən yekdilliklə qəbul edilərək, 2022-ci ilin mart ayında İslamabadda keçiriləcək İƏT Xarici İşlər Nazirləri Şurasının Zirvə Görüşünün proqramına daxil edilib.

Paylaş:
74

Son xəbərlər

Dolların sabaha olan rəsmi məzənnəsi açıqlanıbBu gün, 18:02Bakıda saxta spirtli içkilərin satıldığı müəssisə aşkarlanıbBu gün, 17:55İƏT-in “Birlikdə gələcəyə” çağırışı yeni reallıqların diktə etdiyi strateji tərəfdaşlığın möhkəmlənməsinə imkan yaradacaq - Vüqar RəhimzadəBu gün, 17:45Cartier Zərgərlik Evinin qlobal layihəsindəki ilk azərbaycanlı – İsfar Sarabski - FOTOBu gün, 17:41FİFA klublararası dünya çempionatının vaxtını açıqlayıbBu gün, 17:32Gənclər və idman nazirinə yeni müavinlər təyin edilibBu gün, 17:17Prokurorluq Yasamalda 18 yaşlı qızın intiharı ilə bağlı məlumat yaydıBu gün, 17:02Pay torpaqlarına çıxarış verilməsi üçün rüsum tutulmayacaqBu gün, 17:01Deputat: “Azərbaycanın Türkmənistan və İranla imzaladığı müqavilə regionun enerji xəritəsini dəyişə biləcək”Bu gün, 17:00“Təhsil haqqında” qanuna edilən dəyişikliklər təsdiqləndiBu gün, 16:57Azərbaycandan Iğdıra avtomobil yolu çəkiləcəkBu gün, 16:53Maliyyə dələduzluq piramidası yaradaraq vətəndaşların pulunu ələ keçirən mütəşəkkil dəstə üzvləri tutulub - VİDEOBu gün, 16:49Azərbaycanda son sutka COVID-19 əleyhinə 297 vaksin vurulubBu gün, 16:4829 noyabra olan koronavirus statistikası AÇIQLANDIBu gün, 16:46Azərbaycanda baş məşqçinin kürəkəni hakimi döyübBu gün, 16:42“Ermənistanda dini, irqi, milli dözümsüzlük ən yüksək həddədir” - İlyas Hüseynov yazırBu gün, 16:27Cəbrayılda təmir-tikinti işləri aparan şəxs minaya düşübBu gün, 16:14Prezident dünya şöhrətli rəssama Azərbaycan vətəndaşlığı verdiBu gün, 15:41Minaatan və artilleriya bölmələrinin döyüş atışlı taktiki təlimləri keçirilib - VİDEOBu gün, 15:26Bərdə-Ağdam avtomobil yolunun tikintisi davam etdirilir - FOTOBu gün, 15:17
Bütün xəbərlər

Next TV