Kasım-Jomart Tokayev: Qazaxıstanda antiterror əməliyyatları tezliklə başa çatacaq

Qazaxıstan Prezidenti Kasım-Jomart Tokayev ölkədə həyata keçirilən genişmiqyaslı antiterror əməliyyatlarının tezliklə başa çatacağını bildirib.

1news.az AZƏRTAC-a istinadla xəbər verir ki, dövlət başçısı bunu Kollektiv Təhlükəsizlik Müqaviləsi Təşkilatının növbədənkənar sessiyasında deyib.

Prezident Qazaxıstanda Konstitusiya qaydasının bərpa olunduğunu qeyd edib.

Qazaxıstanda iğtişaşlar nəticəsində təhlükəsizlik qüvvələrinin 17 əməkdaşı həlak olub, 5 nəfər Qırğızıstan vətəndaşı saxlanılıb. Ölkədə elan edilmiş fövqəladə vəziyyət rejiminin pozulmasına görə 1500-dən çox şəxs məsuliyyətə cəlb olunub.