Koronavirusa görə təyyarə ekipajı üçün qoyulan tələblər dəyişdirilib
Nazirlər Kabineti “Koronavirus (COVID-19) pandemiyası dövründə Azərbaycan Respublikasında uçuşların və hava nəqliyyatı ilə sərnişin daşımalarının təşkili üzrə müvəqqəti Qaydalar”ına dəyişiklik edib.
1news.az-ın verdiyi xəbərə görə, dəyişikliyə əsasən, təyyarə ekipajında işçidə laborator üsul ilə COVID-19 təsdiqləndiyi halda, onunla sıx təmasda olan əməkdaşlar evdə izolyasiya olunmalıdırlar.
İndiyə qədər işçidə laborator üsul ilə COVID-19 təsdiqləndiyi halda, onunla sıx təmasda olan əməkdaşlardan test götürülməli və cavabları aşkarlanana qədər onlar evdə izolyasiya olunmalı idi.
Nazirlər Kabinetindən qərara verilən izahda bildirilib ki, xəstəlik əlaməti olan işçinin laborator üsul ilə COVID-19 təsdiqləndiyi halda, onunla sıx təmasda olan əməkdaşlardan test götürülməsi zərurəti aradan qaldırılır.
Bu Qərar 2022-ci il yanvarın 24-dən qüvvəyə minir.
Mövzu ilə əlaqədar oxuyun:
Nazirlər Kabineti karantin rejimi ilə bağlı qərarlar qəbul edib
Azərbaycanda koronavirusa yoluxanların karantin müddəti azaldılır
