AKTA-nın idarə heyətinin ilk genişlədilmiş tərkibdə toplantısı keçirilib - FOTO | 1news.az | Xəbərlər
Siyasət

AKTA-nın idarə heyətinin ilk genişlədilmiş tərkibdə toplantısı keçirilib - FOTO

Qafar Ağayev16:01 - 14 / 05 / 2022
AKTA-nın idarə heyətinin ilk genişlədilmiş tərkibdə toplantısı keçirilib - FOTO

Mayın 13-də Azərbaycan Kibertəhlükəsizlik Təşkilatları Assosiasiyasının (AKTA) İdarə heyətinin ilk genişlədilmiş tərkibdə toplantısı keçirilib.

1news.az xəbər verir ki, “JW Marriott” otelində baş tutan toplantıda Assosiasiyanın fəaliyyət istiqamətləri və yeni layihələri barədə ətraflı məlumat verilib. Toplantıda kibertəhlükəsizlik sahəsində fəaliyyət göstərən və Assosiasiyada təmsil olunan “Simbrella”, “CyberPoint”, “AzeRobot”, “Eurodesign CSC”, “Swiss Cyber Institute”, “Caspian Tech”, “A2Z advisors”, “Digitalks Technologies” və “PNetworks” kimi yerli və xarici şirkətlərin rəhbər şəxsləri və nümayəndələri iştirak ediblər.

Tədbiri giriş sözü ilə açan Assosiasiyanın sədri Rahid Ələkbərli toplantı iştirakçılarını salamlayıb. Daha sonra Assosiasiyanın baş katibi Bulu İsmayılova çıxış edərək Assosiasiyanın üzvlük prosesi və yeni üzvlük təklifləri barədə ətraflı məlumat verib.

Toplantıda ilk olaraq kibertəhlükəsizlik sahəsindəki fəaliyyətlərin icra edilməsi, təşəbbüslərin dəstəklənməsi məqsədilə AKTA daxilində “İdeya mərkəzi”nin yaradılması təklifi müzakirə olunub. Assosiasiyanın baş katibi Bulu İsmayılova “İdeya mərkəzi”nin ölkədə kibertəhlükəsizlik və İT sahəsində yeni layihələrin ortaya çıxarılmasına, təşəbbüskarlığın artırılmasına, ən əsası yeni mütəxəssislərin və kadrların cəlb olunmasına şərait yaradacağını qeyd edib.

Assosiasiya tərəfindən cəmiyyətdə kibertəhlükəsizlik sahəsində maarifçi faliyyətlərin icrası məqsədilə “AKTA Könüllüləri”nin yaradılmasına olan ehtiyac vurğulanıb. İT üzrə təhsil alan və ya bu sahəyə marağı olan gənclərin cəlb ediləcəyi layihənin, insan resursunun cəlb edilməsi ilə qısa müddətdə kibertəhlükəsizlik sahəsindəki məlumat azlığının aradan qaldırılmasına şərait yaradacağı qeyd olunub.

Görüşdə həmçinin yeniyetmələr arasında kibertəhlükəsizlik və İT vərdişlərinin inkişaf etdirilməsi məqsədilə “AKTA Yay düşərgəsi”-nin icrası barədə iştirakçılara məlumat verilib. Layihə çərçivəsində iştirakçıların beynəlxalq və yerli kibertəhlükəsizlik ekspertləri ilə görüşlərinin təşkili, fundamental kibertəhlükəsizlik biliklərinə oyun əsaslı öyrənmə metodu ilə sahiblənmələri nəzərdə tutulur. Yay düşərgəsində kibertəhlükəsizlik simulyasiyalarının və xüsusi hakatonların keçirilməsi də planlaşdırılır.

Daha sonra Assosiasiyaya yeni üzvlük üçün müraciət edən “Novum”, “Defscope”, “Nova Digital Solutions”, “Palo Alto” və “ATL” şirkətləri, onların fəaliyyət istiqamətləri barədə məlumat verilib və üzvlüyə qəbul edilmələri ilə bağlı plaket təqdim olunub. Tədbirin sonunda yeni üzvlüyə qəbul edilən şirkətlərin təqdimatları dinlənilib və Assosiasiyanın gələcək fəaliyyət istiqamətləri barədə fikir mübadilə aparılıb.

Toplantının yekununda Assosiasiyanın sədri Rahid Ələkbərli müzakirə olunan mövzulara toxunub, kommunikasiya kanallarının yaradılmasına olan ehtiyacı qeyd edib. O, Assosiasiyanın fəaliyyətinə dəstək olanlara öz təşəkkürlərini ifadə edib və uğurlu nəticələr əldə etmək istiqamətində davamlı olaraq səy göstərəcəklərini bildirib. Tədbirin sonunda xatirə fotosu çəkilib.

Paylaş:
654

Son xəbərlər

Fərid Əhmədov nazir müavini təyin olunub - Prezidentdən SƏRƏNCAM24 / 05 / 2022, 22:26Samir Məmmədov rəqəmsal inkişaf və nəqliyyat nazirinin müavini təyin edilib24 / 05 / 2022, 22:22Cavid Qurbanov ADY sədri vəzifəsindən azad edildi, nazir müavini oldu24 / 05 / 2022, 22:02Qala qoruğunda Beynəlxalq Çay Günü qeyd olunub - FOTO24 / 05 / 2022, 20:19İsveçrə Prezidenti İlham Əliyevi təbrik edib24 / 05 / 2022, 18:00Dolların sabaha olan rəsmi məzənnəsi açıqlanıb24 / 05 / 2022, 17:54Çempionlar Liqasında finalın topu təqdim edilib24 / 05 / 2022, 17:46Paytaxt məktəblərində “Şuşa İli” çərçivəsində tədbirlər davam edir24 / 05 / 2022, 17:39Qvineya-Bisau Prezidenti Azərbaycan dövlət başçısını təbrik edib24 / 05 / 2022, 17:32Nazirlər Kabineti rüsumlarla bağlı dəyişikliklər üzrə uyğunlaşdırmalar aparıb24 / 05 / 2022, 17:30Baş katib: “Heç bir NATO ölkəsi Türkiyə qədər terror hücumlarına məruz qalmayıb”24 / 05 / 2022, 17:28“Toyota Prius” YPX avtomobilinə çırpıldı - VİDEO24 / 05 / 2022, 17:11Mayda qida zəhərlənməsindən 16 nəfər KTM-ə müraciət edib24 / 05 / 2022, 17:05Rəqəmsal İnkişaf və Nəqliyyat Naziri Selçuk Bayraktarla görüşüb - FOTO24 / 05 / 2022, 16:53ABB Şamaxı filialı və “Azəriqaz” şöbəsini də yenilədi24 / 05 / 2022, 16:40AQTA qanunsuz fəaliyyətlərin qarşısını almaq üçün sahibkarları diqqətli olmağa çağırır24 / 05 / 2022, 16:3552 saylı marşrut xəttindən şikayət var – Redaksiyaya məktub24 / 05 / 2022, 16:20Azərbaycanın paytaxtında Bakı Enerji Həftəsi keçiriləcək24 / 05 / 2022, 16:14Fərid Qayıbov UNESCO-da komitə sədri seçildi24 / 05 / 2022, 15:56Həcc ziyarəti ilə bağlı sənədlərin qəbuluna start verilib24 / 05 / 2022, 15:51
Bütün xəbərlər

Next TV